Rovinj
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Rovinj [[ˈrɔʋiɲ]] (Istrisch Ruvèigno, Italiaans Rovigno, Aadduits Ruwein) is ein sjtedje in Kroatië aanne westkus van 't sjiereilandj Istrië. 't Stedje haetj 14.234 inwoners (stand: 2001), en daovan heurtj 16,74 % toet de Italiaanse minderheid.
In 't weste und zuidweste is 't sjtedje door de Adriatische Zee omgaeve, in 't noorde ligktj 't Limfjord es natuurlikke begrenzing. Nao 't ooste ligktj 't veuraord Rovinjsko Selo, en ongeveer 25 Kilometer verder de sjtad Kanfanar.
't Beeld van 't sjtedje weurdj gevormdj door de op de hoogste heuvel van 't sjiereilandj gelaege kirk. Dees kirk oet de 18e eeuw, de Sveta Eufemija, haetj eine tore dae is naogeboewtj volges veurbeeldj van'ne Campanile in Venetië.
De kirk is vernumpdj nao de heilige Euphemia, die volges de legende veur de wilj dere waerdje gegooidj, mer die beeste deje häör nieks. Ze mos door eine dolksjtoot waere vermaordj. De sarkofaag mit häör gebeinte loog in Konstantinopel, verdween in 't jaor van de beeldjesjtorm, toet d'r in 't jaor 800 inins opdook in Rovinj. De reste waere sinds dae tied in ein sjteine sarkofaag achter de kirk van Rovinj bewaardj. De heilige Euphemia waerdje de patroonheilige van Rovinj en zelfs van gans Istrië sinds dae tied.
