Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Beildj óp Reşiţa.

Reşiţa (Pruus: Reschitz, Hóngaars: Resicabánya, Sèrvisch: Rešica/Решица) is de houfstad van 't distrik Caraş-Severin, in 't weste van Roemenië. De stad lègk ane reveer de Bârzavei, 'n ziereveer vanne Timiş. De naam Reşiţa kömp van 't Slavische "Rechitza", det van reka (reveer) kömp. In 2004 had de plaats 83.985 inwoeaners

Reşiţa is e belangriek centrum vanne iezer- en staalindustrie. De stad produceertj sins 't ènj vanne 19e ieëw locomotieve en haet e spaorwaegmuseum.

Reşiţa is gestich in Oeasteriek-Hóngarië inne 18e ieëw en is ömmer 'n belangrieke industriestad gewaes.

Lègking bewirk

Reşiţa lègk 511 kilomaeter wied vanne Roemeense houfstad Boekares en 430 kilomaeter wied vanne Hóngaarse houfstad Boedapès. De stad lègk zoeaget in 't midde van 't Roemeens gedeildje vanne regio Banaat. 't Kórsbiezeendj vleegvèldj bevindj zich bie Timişoara, óp 123 kilomaeter aafstandj. De belangriekste waeg die door Reşiţa gaon zeen de nationaal waeg 58 en 58B

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Reşiţa&oldid=182703"