Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Venrods, es te dit dialek sjpriks.

Oeldere (Nederlands Oirlo, oet te spreke Oerlo) is e dörp in de Nederlands-Limburgse gemeinte Venroj, zuidelek vaan Aostrem, aon de spoorlijn Venroj-Venlo. 't Dörp heet (2006) 1202 inwoeners en 'n oppervlak vaan 981 hectaar.

Oeldere, bewoend sinds de steintied, duuk vanaof oongeveer 1300 op in officieel stökker. Oet dezen tied stamde ouch d'n awwen kèrktorie, dae in 1944 verlore is gegoon. Oeldere waor in deen tied 'n zelfstendege hierlekheid in 't Hertigdóm Gelder. In 1900 had Oeldere nog mer roond de 250 inwoeners, daonao is 't aontal snel gestege.

De vastelaovesvereiniging van Oeldere is de Spurriemök.

De naom Oeldere kump vaan de Germaonse wäörd oer (iezer) en rode (ope plaots in 't bos, dèks in 't Limbörgs vertaold es -raoj wie Kèrkraoj). 'n Aander Europees dörp wat dezelfde ethymolgie heet is Oelde in 't Duitse Kreis Warendorf (Noordrien-Wesfale), zoen 180 kilometer hei vaandan.

Externe link bewirk

 
Gemeinte Venroj
 
Dörper: Aostrem · Blitterswik · Geistere · De Haej · IJselstein · Kâssele · Luëne · Maersele · Oeldere · De Smákt · 't Väöle · Venroj · De Vredepieël · Wânsem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Oeldere&oldid=456632"