Nederbelsj

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

't Begrip Nederbelsj is 'n informeel benaming van en vör Nederlanders die öm oeteenlopende raejene (meestal vör de belasting) óp 't Belsj wónne.

D'r journalist Derk Jan Eppink is e väörbeeld van 'ne bekaande Nederbelsj. E sjreef dao e book över mèt es titel De avonturen van een Nederbelg. Allewiel zit e, es enige Nederlander, vör e aander laand in 't Europees Parlemaent. E is lid van de Belsje politieke partiej Lijst De Decker. D'r journalist Paul van Gageldonk is ooch 'ne Nederbelg en e sjraef över dis kwestie 't beukske Bij de buren. Bart Dirks wónde es journalist ooch eenkele jaore óp 't Belsj en sjraef België bestaat - cultuurwijzer van een gespleten land.

Oonder d'r groep Nederbelzje beveende zich 'n groeët aantal Nederlanders die óp 't Belsj wónne öm de Nederlandse vermogensbelasting te vermijde. Aandere geunt dao wónne ömdat de hoezer en d'r groond bèlliger zeunt. Ze vestige zich dèk zjuus över de grens in de Belzje provincies Antwerpe en Limburg. De gemèngdes Baarle-Hertog, Hoogstraten, Ravels, Hamont-Achel, Laoneke en Voere tèlle eder mieë wie 20% Nederbelgen (toesjtaand op 1 januari 2007). In 'n aantal dörper an de grens zoewie Meersel-Dreef en Poppel vörme Nederlanders zelfs de mieërderheed van de bevolking.

Tiedsjrifte vör Hollendere óp 't Belsj

• NederBelgisch Magazine
• Waals Weekblad

Bekaande Nederbelzje

• Jeroen Brouwers, sjriever
• Gerard Reve, sjriever
• Jozef Luns, aod secretaris-generaal van de NAVO
• Leon Melchior, boewoondernömer
• Michiel Rampaart, acteur
• Michael Boogerd, fietserenner
• Steven de Jongh, fietserenner
• Alides Hidding, zenger van Time Bandits