Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Karpathos ('t groet eiland in 't noorde) en Kasos ('t klein eiland in 't zuie)

Karpathos (Nuigrieks alfabet: Κάρπαθος) is e Grieks eiland wat behuurt tot de Zuid-Egeïsche Eilen en daomèt ziech ouch bevind in de Egeïsche Zie, tösse Rodos en Kreta in, gaar neet wiet weg vaan 't kleiner eilendsje Kasos, wat in 't zuidweste ligk, vaanoet Karpathos gezeen. 't Eiland steit bekind um zien vreemp dialek, dat ziech neet liet kinmerke es 'n euvergaank vaan twie taole (zoewie dat bij de meiste Egeïsche eilen wel 't geval is, ten opziechte vaan Grieks en Törks), meh es 'n mingsel vaan Nuigrieks en 't aajd Hellinistisch Egeïsch dialek dat hei veur de lèste kier zoen doezend jaor geleie woort gesproke. Nörges aanders es op Karpathos en naobereilaand Kasos kin me nog zoe klaor de spore vaan de Aw Egeïsche spraok hure.

Geografie en demografie bewirk

't Eiland heet 't oppervlaak vaan 324,1 veerkante kilometer en heet 'n inwoenertal vaan 5.670, al gief 't in de winter meh 2.788 umtot väöl lui hei e zomerhuiske höbbe (neet allein kóntinentaole Grieke, meh ouch Kretenzers, Cypriote en Wes-Europeaone). In de zomer gief 't 'n inwoenersdeechde vaan zoen 19 lui de veerkante kilometer.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Karpathos&oldid=404640"