Fred Honig
Fred Honig (Venlo, 31-10-1969) is 'ne Venlose vastelaoveszenger.
Fred zóng same met Bart Houtermans en Frans Pollux 't vastelaoves leed "De Prins van iddere mins" in 2005. Dit nummer is same door eur geschreve en de meziëk woort gecomponeerd door Frans Pollux. Fred waas in 2005 Stadsprins van Venloos Vastelaovesgezelschap Jocus in Venlo, Bart en Frans ware zien Adjudante. Bart & Fred wonne in 2012 de Leedjesaovend van Jocus, mit 't nummer "Truuk van Weggewaes" geschreve en gecomponeerd door Paul Nagelmaeker.
In 't "Volkstheater Frans Boermans" speulde Fred de rol van "Frits" in 't theaterstök "Nova Venlo" in 2006.
In 2008 speulde Fred same met Hay van Hoorn twië euverhippe oma's in 't theaterstök ""Ze Kump"".
Fred Honig is onder andere oétbater gewaes van The Yellow Submarine & Grandcafe Baer de Woers in Venlo.