Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Aofte (ouch äöfte of äöf geneump) zeen gedreuëgde vröchte, meistal proeme, eppel of paere.

Etymologie bewirk

't Woord Äöf(te) is verwant aan 't archaïsch Nederlandse ooft en 't Duutsje Obst.

Oarsjpónkelik woort mèt äöfte alles bedoeld wat boete broad en vleisj biej 'ne maoltied woort genuttigd, dus ouch de greunte, de peulvruchte enz. Later kroog 't woord de beteikenis van allein de vruchte, nog later (in 't Limburgs) specifiek de gedreuëgde vröchte.

't Dreuëge bewirk

De veesje vruchte woorte aan 'ne draod gerege en zoa te dreuëge gehange op de zölder, ónger de äösdje. Ouch woorte de vröchtesjtökskes dèks nao 't bakke van 't broad in de bakaove gelag en daomit gedreuëgd door de reswermde van de aove.
Vreuger woort in tieje dat gein veesj fruit besjikbaar waas, äöfte gegaete of, naodat dit geweik waas, es sjpies veur vlaje gebruuk.
Biej gedreuëgde zuudvruchte sjprik me van tuttifrutti.

Gezèkde bewirk

  • Eine dae dóm dènger deit, 'ne sufferd of 'ne sukkel wirt ouch waal 'n äöf geneump en dan wirt waal gezag wat bès dich toch ein äöf.

Zuug ouch bewirk

Bronne bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Aofte&oldid=396844"