1651

1648 - 1649 - 1650 - 1651 - 1652 - 1653 - 1654

Gebäörtenisse bewirk

De Groate Vergadering in de Ridderzaal in 1651. Sjilderiej van Dirck van Delen.

Cromwell

1 jannewarie - Charles II wirt tot Keuning van Sjotlandj gekroand.
18 jannewarie - Begin van de Groate Vergadering in Den Haag. Gedeputeerde van de Zeve Provincië beskpraeke de toesjtand nao de plotselinge doad van Sjtadhawwer Willem II.
21 jannewarie - Eindj van de Groate Vergadering zónger beneuming van eine nuje Kapitein-generaal. Daomit begint 't Eësjte Sjtadhawwerloas Tiedperk in de Republiek van de Zeve Verenigde Nederlenj.
22 fibberwarie - De Sint-Pieterssjtormvlood truf de kus van de Oas-Friese Waddezeë. Hiebiej valle doezende doajelikke sjlachoffersj.
In de nach van 25 op 26 jannewarie braeke in Nederlandj op versjillende plaatsje de dieke door. Veural Oas-Nederlandj wirt getróffe.
Maarten Tromp bevriejt in de lente op de Scilly-eilenj Hollesje sjeepsgevangene van de Èngelsje keuningsgezinde admiraal John Grenville. Daomit is Tromp de Èngelsje repeblikeinse admiraal Robert Blake eine sjtap veur.
Oliver Cromwell sjtèlt ein Unie tösje 't Èngelsje Gemeinebes en de Repebliek veur, ónger zien leijing en nao 't model van de regeling veur Sjotlandj. 't Alternatief is aorlog.
't Èngelsj parlemènt kört de Sjeepvaartwèt good. Dit mót 't hanjelstiej keëre. Saer de Vreje van Münster höbbe de Hollenjers ein groat deil van de hanjel op Sjpanje en 't Middellandjse Zeëgebeed euvergenómme. De Èngelsje beginne Hollesje sjepe lestig te valle.
3 september – Karel II van Èngelandj wirt versjlage in de Sjlaag van Worcester. Hiejmit kump ein eindj aan de Èngelsje Burgeraorlog.
27 september - Jacob Cats treujt aaf es Raodspensionaris en wirt opgevolg door Adriaan Pauw.
29 oktober - Christiaan Huygens sjrief es eësjte in de gesjiedenis natuurkundige formules op. Dees gaeve de correcte theorie veur impuls behawt biej bótsjinge, ein verbaetering van de bótsjingswètte van Descartes.